Қазақстан президенті Қасым-Жомарт Тоқаев Паралимпиада ойындарының қола жүлдегері мен жаттықтырушыларды мемлекеттік наградамен марапаттады.

JANA-Qazaqstan. Бейжің қаласындағы (Қытай Халық Республикасы) XIII Қысқы Паралимпиада ойындарындағы аса үздік спорттық жетістіктері үшін «Құрмет» орденімен наградталды:

Герлиц Александр Александрович – «Қазақстан Республикасының Ұлттық Паралимпиадалық комитеті» ҚБ спортшыcы.

Жданович Антон Владимирович – «Қазақстан Республикасының Ұлттық Паралимпиадалық комитеті» ҚБ аға жаттықтырушысы.

Коломиец Василий Сергеевич – «Қазақстан Республикасының Ұлттық Паралимпиадалық комитеті» ҚБ бас жаттықтырушысы.

XIII Қысқы Паралимпиада ойындары 2022 жылы 4-13 наурыз аралығында Бейжіңде өтті, оған 50 елден 700-ден астам спортшы қатысты. Бір қола медальмен Қазақстан құрамасы 17-орыннан көрінді.

БАЙЛАНЫСТЫ МАҚАЛАЛАРАВТОРДЫҢ БАСҚА ЖАЗБАЛАРЫ