Алматыда ер адам ерлі-зайыптыға травматикалық тапаншамен оқ атты.
JANA-Qazaqstan.Оқиға Жетісу-4 шағынауданындағы ақша айырбастау пунктінде болған. Белгісіз біреулер ақша айырбастау пунктінен шығып бара жатқан ерлі-зайыптыға шабуыл жасаған. Тонау кезінде олардың сөмкесі бос болған. Бірақ ер адам олай болады деп ойламаған көрінеді.
«Ол травматикалық тапаншадан ерлі-зайыптыға оқ атқан. Абырой болғанда, ер мен әйелдің өмірі мен денсаулығына ешқандай қауіп төніп тұрған жоқ», – деді Әуезов аудандық Полиция басқармасының бастығы Ұлан Әбілқайыр.
«Күдікті Жамбыл облысының 40 жастағы тұрғыны болып шықты. Ол Жамбыл облысы ауылдарының бірінде ұсталды. Қазір ол Алматыға ауыстырылып, қамауға алынды. Қарақшылық шабуыл дерегі бойынша соталды тергеудің бірыңғай тізіліміне қылмыстық іс тіркелді. Тергеу жалғасып жатыр», – деді Ұлан Әбілқайыр.
