Алматы қаласы Жастар саясаты басқармасының қолдауымен, Жастар саясатын дамыту мемлекеттік қоры Қазақстан Республикасының Мемлекеттік рәміздері күніне арналған «Менің туым» акциясын өткізді.
Акцияның негізгі мақсаты мен міндеттері – Қазақстанның Мемлекеттік рәміздерін насихаттау, жастардың бойында туған мемлекетіне деген жоғары патриоттық сезімді қалыптастыру және өскелең ұрпақты отансүйгіштікке тәрбиелеу болды.
«ДоброLife» демалыс орталығының жасөспірімдері мен жастары салтанатты түрде Қазақстан Республикасының Әнұранын шырқады, жиналғандардың барлығы өз Отанына деген мақтаныш пен адалдықты сезінді.
Бұдан кейін демалушылар арасында Қазақстанның рәміздері мен мағынасы туралы білімдерін тексеруге арналған «Қазақстан рәміздерінің білгірлері» атты қызықты викторина өткізілді. Дұрыс жауап берген алматылықтарға Қазақстан туы мен қазақстандық шоколад сыйға берілді.
«Менің туым» акциясы жастардың бойында патриоттық сананы қалыптастыруда маңызды рөл атқарды. Мұндай іс-шараларды өткізу жастарға өз елінің тарихи және мәдени мұрасын түсінуге және бағалауға көмектеседі, сондай-ақ олардың Қазақстан Республикасының дамуында белсенді болуына жағдай жасайды.
Іс-шара қатысушылар мен қонақтардан оң пікірлер алды. Олар акцияның маңыздылығы мен өзектілігін атап өтіп, ризашылықтарын білдірді.
