Microsoft компаниясы өнімділік көрсеткіштері негізінде өз бөлімдеріндегі 1%-дан аз қызметкерін қысқартатынын растады, деп хабарлайды NBC News.
«Microsoft-та біз жоғары нәтижелі таланттарға назар аударамыз. Біз әрқашан адамдарға оқуға және өсуге көмектесу үшін жұмыс істейміз. Адамдар тиімсіз жұмыс істегенде, біз шара қолданамыз», – деп мәлімдеді Microsoft өкілі.
Атап өтілгендей, «OpenAI» жасанды интеллект технологиясына сүйенетін «Microsoft 365 Copilot» көмекшісі бизнесте әлі кең таралмаған. Сарапшылардың бағалауынша, «Copilot»-ты енгізу «сәл баяу және әсерсіз болды».
2024 жылдың маусым айының соңында Microsoft-та 228 мың адам жұмыс істеген және компаниядағы жұмыстан босату алдыңғылармен салыстырғанда шамалы болып отыр.
2023 жылдың қаңтарында корпорация 10 мың қызметкерін жұмыстан шығарды. 2024 жылдың қаңтарында, «Activision Blizzard»-ты 75,4 млрд долларға сатып алуды аяқтағаннан кейін үш ай өткен соң, Microsoft-тың ойын бөлімі қайталауды болдырмау үшін 1900 жұмыс орнын қысқартты.
