Еліміздің агроөнеркәсіптік кешенін дамыту, импортқа тәуелділікті азайту және тауарлық балық өсіру бағытындағы отандық өндіріс әлеуетін арттыру мақсатында маңызды жоба қолға алынды.
Қазақстанда алғаш рет экструдирленген балық жемін шығаратын зауыттың құрылысы басталды. ҚР Ауыл шаруашылығы министрлігінің қолдауымен жүзеге асырылып жатқан бұл стратегиялық жобаның өндірістік қуаттылығы жылына 25 мың тоннаны құрайды. Жаңа кәсіпорын отандық аквашаруашылық саласын заманауи деңгейде дамытуға тікелей септігін тигізеді.
Балық шаруашылығының даму қарқыны және жем қажеттілігі
Ауыл шаруашылығы министрлігінің ресми мәліметінше, елімізде тауарлық балық өндірісі тұрақты өсім көрсетуде. 2025 жылдың қорытындысы бойынша республикада 23 мың тоннаға жуық балық өсірілсе, оның ішінде шамамен 4 мың тоннасы форель үлесіне тиді. Ағымдағы 2026 жылы бұл көрсеткішті 64,7 мың тоннаға дейін жеткізу жоспарланған.
Бүгінде еліміздегі балық шаруашылықтарының жылдық жем қажеттілігі шамамен 72 мың тоннаны құрайды. Негізгі бөлігі ішкі нарық есебінен жабылғанымен, жоғары протеинді жем түрлері бойынша импортқа тәуелділік әлі де жоғары.
Форель мен бекіре сияқты коммерциялық маңызы жоғары балықтарға арналған жоғары технологиялық жемдер осы уақытқа дейін елімізде мүлде өндірілмеген.
Жобаның экономикалық және әлеуметтік тиімділігі
Жаңа өндіріс орнының іске қосылуы отандық балық өсіруші кәсіпорындарды жоғары сапалы, отандық өніммен тұрақты қамтамасыз етуге мүмкіндік береді.
Елімізде баспана иелері мен жалға алушылар үшін қандай өзгеріс бар? — jananews.kz
