Елімізде медициналық көмектің сапасы мен қолжетімділігін арттыру, аймақтардағы кадр тапшылығын жою және денсаулық сақтау саласының инфрақұрылымын нығайту бағытында маңызды реформа бастау алды.
ҚР Денсаулық сақтау министрлігі медицина мамандарына деген нақты қажеттілікті алдын ала есептеп, соған сай жоғары оқу орындары мен колледждерге білім беру гранттарын бөлудің жаңа қағидалар жобасын әзірледі. Жаңа жүйеге сәйкес, медициналық білім беру мекемелеріне бөлінетін мемлекеттік орындар енді әр өңірдің нақты кадрлық сұранысына қарай жоспарланады.
Жаңа жоспарлау жүйесінің негізгі мақсаттары
Денсаулық сақтау министрлігінің хабарлауынша, медициналық кадрларды бірыңғай жүйе арқылы даярлау келесі негізгі міндеттерді шешуге мүмкіндік береді:
— Алдағы жылдары елге қанша дәрігер мен орта буын медицина қызметкері қажет болатынын жоғары дәлдікпен айқындау;
— Тар бейінді және өңірлерде сұраныстағы және қажет мамандықтарға (кардиохирургтер, педиатрлар, анестезиологтар және т.б.) басымдық беру;
— Ауылдық жерлер мен шалғай өңірлерді қажетті дәрігерлік құраммен толықтай қамтамасыз етіп, кадрлық тапшылықты жою.
Өңірлік сұранысты есептеу критерийлері
Медицина мамандарына деген нақты қажеттілік өзбетінше бекітілмейді. Денсаулық сақтау министрлігі әр облыс пен қаланың ерекшелігін ескере отырып, келесі негізгі факторларды басшылыққа алады:
Ақтөбе мен Қарағандыда металлургия саласының жаңа жобалары іске асады — jananews.kz
