Қазақстанда ерекше білім беруді қажет ететін балалар санының артуына байланысты инклюзивті білім беру саласындағы білікті кадрлар жоғары сұранысқа ие.
Астана, Шымкент қалалары мен Түркістан, Шығыс Қазақстан және Алматы облыстарында әлеуметтік педагогтар мен арнайы мамандар жетіспейді, — деп хабарлайды 24kz.
Өңірлердегі жағдай және кадр тапшылығы
Мемлекеттік және әлеуметтік орталықтардың жұмысы мен жүктемесі айтарлықтай артуда. Өскемендегі «Үлбі» әлеуметтік орталығында 20 арнайы педагог 150-ден астам балаға білім беріп, 28 топпен жұмыс істейді. Жалпы Шығыс Қазақстан облысында ерекше білім беруді қажет ететін 13 мыңнан астам бала бар, ал өңірде 500-ден астам педагог-психолог пен 380 арнайы педагог еңбек етуде. Орталықтарда тәрбиешілер, әлеуметтік жұмысшылар мен демалыс күндері алмастыратын кадрлар тапшы.
Коммерциялық оңалту мекемелерін жан басына шаққандағы қаржыландыру талаптарына сәйкес, әлеуметтік қызметкерлердің міндетті түрде арнайы бейіндік дипломы болуы қажет.
Жаңа білім беру бағдарламалары мен кадр даярлау
Мемлекет тарапынан бұл мәселені шешу үшін жүйелі қадамдар жасалуда. Биылғы оқу жылында «Арнайы педагогика» бағыты бойынша 2 мың грант бөлінді. Жалпы еліміздегі 17 ЖОО-да 5 мыңнан астам арнайы педагог даярлануда. С.Аманжолов атындағы ШҚУ-да медицина мен арнайы педагогиканы ұштастыратын, Қазақстанда бұрын-соңды болмамаған эргопедагогтер мен эрготерапевтерді даярлау бағдарламасы қолға алынды.
Президенттің тапсырмасымен алғаш рет «Қазақстан балалары» бірыңғай тұжырымдамасы әзірленді. Оның басты мақсаты – ерекше балаларды үйде оқытпай, қоғамға толыққанды бейімдеу.
Қырғызстанда VI Дүниежүзілік көшпенділер ойындары жалғасуда — jananews.kz
