Мемлекет басшысының ресми Жарлығымен Ержан Нұрланұлы Жиенбаев Қазақстан Республикасы Президентінің Әкімшілігі Басшысының орынбасары лауазымына тағайындалды. Осыған байланысты ол бұрынғы атқарған қызметінен босатылды, — деп хабарлайды Ақорда баспасөз қызметі.
Ержан Жиенбаев бұған дейін, дәлірек айтқанда 2023 жылдың 1 қыркүйегінен бастап Мемлекет басшысының Жарлығымен Қазақстан Республикасы Президентінің құқықтық мәселелер жөніндегі көмекшісі лауазымын атқарып келген еді.
Мемлекеттік марапаттары мен еңбегінің бағалануы
Ержан Нұрланұлы мемлекеттік қызметтегі елеулі еңбегі мен қосқан үлесі үшін бірқатар жоғары марапаттарға ие болған. 2016 жылы «Құрмет» орденімен, 2021 жылы «Парасат» орденімен марапатталған.
2020 жылы Қазақстан Республикасы Президентінің Алғысын алса, 2021 жылы Қазақстан Республикасы Президентінің Құрмет грамотасымен марапатталған. Осы уақытқа дейін атқарған жемісті қызметі үшін оның қоржынында жеті мерейтойлық медаль бар.
Ақтөбеде көпқабатты тұрғын үйлер жөндеуді қажет етеді — jananews.kz
