Солтүстік Арал теңізін сақтау, өңірдегі экологиялық ахуалды жақсарту және балық шаруашылығын дамыту бағытында кешенді жұмыстар жүргізілуде.
ҚР Су ресурстары және ирригация министрі Нұржан Нұржігітов Қызылорда облысына барған жұмыс сапары барысында Арал ауданының балықшыларымен кездесіп, маңызды жаңалықтарды жеткізді. Министрдің мәлімдеуінше, жыл соңына дейін Солтүстік Арал теңізіне қосымша 1,2 млрд текше метр су жіберу жоспарлануда.
Теңіздің қазіргі жағдайы мен динамикасы
Су ресурстары және ирригация министрлігінің деректеріне сәйкес, соңғы айларда атқарылған жұмыстардың нәтижесінде Арал теңізінің Солтүстік бөлігінде оң өзгерістер тіркелген:
— Қазіргі уақытта Солтүстік Аралдағы су көлемі 23,5 млрд текше метрді құрайды;
— 2025 жылғы 1 қазаннан бері Сырдария өзені арқылы теңізге 1,4 млрд текше метр су құйылған. Қазіргі вегетациялық кезеңде секундтық су ағыны 40 текше метрді құрайды;
— Өткен жылмен салыстырғанда теңіз суының тұздылығы орта есеппен 10%-ға төмендеп, 7,9 промиллеге дейін азайған. Су сапасының жақсаруының арқасында 2026 жылдың алғашқы жартыжылдығында теңізден 4,2 мың тонна балық ауланды.
Дүниежүзілік банкпен бірлескен стратегиялық жобалар
Солтүстік Аралды қалпына келтіру мақсатында Дүниежүзілік банкпен бірлескен жобаның екінші кезеңі әзірленді. Осы орайда Көкарал бөгетін реконструкциялау арқылы теңіздегі су деңгейі мен көлемін ұлғайту жоспарланды.
Су ресурстарын басқару жүйесін дамытудың 2030 жылға дейінгі тұжырымдамасына сәйкес, Солтүстік Аралдағы су көлемін 34 млрд текше метрге дейін жеткізу көзделген.
Балықшылардың ұсыныстары мен министрдің тапсырмалары
Кездесу барысында жергілікті балықшылар Сырдарияның төменгі ағысында су үнемдеу технологияларын қатаң енгізуді және өңірдегі су айдындарын сақтауды сұрады. Сондай-ақ, «Арал» сервистік-дайындау орталығы» ЖШС директоры Әділбек Айымбетов пен өзге де өкілдер су өткізу көлемін секундына 100 текше метрге дейін арттыру үшін Аманөткел су торабында шлюз салуды ұсынды.
Трамп Иран келіссөзге оралмаса, көпірлеріне соққы жасайтынын ескертті — jananews.kz
