Қытайдың Гуйян қаласында бокстан өтіп жатқан халықаралық беделді Әлем кубогында шаршы алаң шеберлерінің кезекті жекпе-жектері жалғасуда.
Бүгін, 18 маусымда, Қазақстан ұлттық құрамасының 3 бірдей былғары қолғап шебері жарыс жолына шығады. Отандық спортшылардың барлығы күндізгі сессия аясында сынға түседі. Ел намысын қорғайтын боксшылардың екеуі — әйелдер, ал біреуі — ерлер құрамасының өкілі. Олардың жекпе-жектері А рингінде ұйымдастырылады.
Күндізгі сессияның жекпе-жек кестесі
Бүгінгі тартысты бәсекелер Қазақстан уақытымен таңғы сағат 09:00-де бастау алады. Жанкүйерлер назарына отандастарымыздың қарсыластары мен шаршы алаңға шығу ретін ұсынамыз:
1-жұп (51 келі, 1/8 финал): Алуа Балқыбекова — Ирисмар Кардозо (Венесуэла);
6-жұп (65 келі, 1/8 финал): Санатәлі Төлтаев — Патрис Мугалзаи (Англия);
9-жұп (54 келі, 1/4 финал): Назым Қызайбай — Виктория Рогалинска (Польша).
Әлем кубогының финалы
Гуйяндағы бәсекелерден кейін боксшыларды алда үлкен финалдық кезең күтіп тұр. Әлем кубогының түпкілікті финалдық сыны үстіміздегі жылдың қараша айында көршілес Өзбекстан Республикасында ұйымдастырылады деп жоспарланған. Дегенмен, жарыстың нақты өтетін мерзімі мен қаласы халықаралық федерация тарапынан әзірге бекітілген жоқ.
Алматы мен Дубай арасында жүк рейстері іске қосылды — jananews.kz
