Қытай Халық Республикасының аумағында адам шығынына әкеп соққан кезекті жойқын табиғи апат тіркелді. 2026 жылдың 18 мамырында дүйсенбі күні таңертең Қытайдың оңтүстік өңірінде орналасқан Гуанси-Чжуан автономиялық ауданындағы Лючжоу қаласында магнитудасы жоғары жер сілкінісі болды.
Жер сілкінісінің техникалық сипаттамаcы
Қазақстан Ұлттық деректер орталығы мен ҚР Ұлттық ядролық орталығының IGR деректер орталығы таратқан ресми мәліметтерге сәйкес, жерасты дүмпулері Астана уақыты бойынша сағат 10:07-де (Гринвич уақытымен сағат 05:07-де) тіркелген. Халықаралық сейсмологиялық станциялар мен CGTN телеарнасының хабарлауынша, табиғи апаттың магнитудасы эпицентрдегі дүмпу қуаты 5,2 балға (mb = 4,9) жеткен. Эпицентр координаттары— Солтүстік ендік бойынша 41,30 градус және шығыс бойлық бойынша 84,25 градус; Энергетикалық класы K = 11,7 құраса, жерасты ошағының тереңдігі h = 14 шақырымды құраған.
Апат салдары және құтқару шараларыьт
Табиғи апат Лючжоу қаласы мен оған жақын орналасқан елді мекендердің инфрақұрылымына айтарлықтай зақым келтірді. Жергілікті билік органдары мен төтенше жағдайлар қызметінің алдын ала берген есептеріне сәйкес, қазіргі уақытта жерасты дүмпуі салдарынан екі адамның қаза тапқаны ресми түрде расталды, ал тағы бір тұрғын із-түзсіз жоғалып кеткендер тізімінде тұр. Эвакуация жұмыстарына келер болсақ Қауіпті аймақтан 7 000-нан астам жергілікті тұрғын шұғыл түрде қауіпсіз жерлерге көшірілді. Қала бойынша 13 тұрғын үй мен әкімшілік ғимараттың толықтай құлап қалғаны белгілі болды.
Қазіргі уақытта апат болған аймақтарда іздеу-құтқару операциялары үздіксіз жүргізіліп жатыр. Құзырлы органдар үйінділерді тазалау және инфрақұрылымды қалпына келтіру жұмыстарына байланысты зардап шеккен аудандарда көлік қозғалысының айтарлықтай қиындауы мүмкін екенін ескертеді.
Айта кетейік, бұл өңірдегі сейсмикалық белсенділіктің алғашқы жағдайы емес. Осы оқиғаның алдында ғана, яғни 16 мамыр күні Қырғызстан мен Қытай мемлекеттік шекарасында да қуаттылығы 4,8 балды құрайтын жерасты сілкінісі тіркелген болатын.
Республикалық физика-математика мектебінде шу шықты — jananews.kz
