Қазақстанда халық денсаулығы мен әлеуметтік-демографиялық көрсеткіштер айтарлықтай жақсарып, маңызды тарихи межеге қол жеткізді.
2025 жылғы ресми мәліметтер бойынша, елдегі күтілетін өмір сүру ұзақтығы 75,97 жасқа жетіп, бұл тәуелсіздік жылдарындағы ең жоғары көрсеткіш ретінде тіркелді. Сонымен қатар халықаралық ұйымдардың бағалауы бойынша, Қазақстан денсаулық сақтау мен тұрақты даму бағытында Орталық Азия мен ТМД кеңістігінде көш бастап тұр.
Денсаулық сақтау саласындағы тарихи жетістіктер мен көрсеткіштер
Өткен жылы нәресте өлімі 15%-ға азайып, тірі туған әр мың балаға шаққанда 5,85 жағдайды құрады. Бұл — Қазақстан тарихындағы ең төменгі көрсеткіш. Қазақстан күтілетін өмір сүру ұзақтығы мен нәресте өлімінің төмендігі бойынша Орталық Азия елдері арасында бірінші орында, ал ТМД елдері арасында үшінші орында тұр. Қазақстан Орталық Азияда Дүниежүзілік денсаулық сақтау ұйымының (ДДҰ) жұқпалы емес аурулардан болатын мезгілсіз өлім-жітімді 25%-ға қысқарту жөніндегі нысаналы көрсеткішіне алғашқы болып қол жеткізді. Азаматтардың денсаулық сақтауға өз қалтасынан жұмсайтын шығындарының үлесі 27,3%-ды құрайды. Бұл аймақтағы басқа мемлекеттермен салыстырғанда 1,5–2,9 есе төмен.
Қазақстан — БҰҰ-ның бұл индексі бойынша алғашқы 50 елдің қатарына кіретін ТМД-дағы жалғыз мемлекет. Ел 147 мемлекеттің ішінде 33-орында тұр. Бұл рейтингте Қазақстан 167 елдің арасында 67-орынға көтерілді. «Жақсы денсаулық және әл-ауқат» бағыты бойынша нәрестелер өлімінің азаюы, туберкулез көрсеткішінің төмендеуі және өмір сүру ұзақтығының артуы ерекше атап өтілді.
Мемлекет басшысы Құрылтай Төрағалығына Айбек Дәдебайдың кандидатурасын ұсынды — jananews.kz
