Өзбекстанның Ташкент қаласында жеңіл атлетикадан өткен Орталық Азия чемпионаты мәресіне жетті.
Тартысты өткен құрлықтық додада бақ сынаған Қазақстан ұлттық құрамасы жоғары нәтиже көрсетіп, жалпы есепте 26 медальға қол жеткізді. Отандастарымыз чемпионатта басымдық танытып, 11 алтын, 9 күміс және 6 қола медаль еншіледі.
Чемпионат жеңімпаздары мен жүлдегерлері
Қазақстан спортшылары әртүрлі пәрменді дисциплиналар мен эстафеталық бәсекелерде топ жарды. Алтын медаль иегерлері: Ұлболсын Есіркеп (найза лақтыру), Юлия Башманова (100 м кедергілер), Алина Чистякова (ұзындыққа секіру), Виктория Ан (100 м және 200 м жүгіру), Иван Иванов (ядро серпу), Мария Ефремова (үш қарғып секіру), Михаил Литвин (400 м жүгіру), Зелимхан Насыров (үш қарғып секіру), сондай-ақ Дарья Гридасова, Маргарита Назаренко, Антонина Чернышева және Юлия Башманова кірген 4×100 м эстафеталық командасы.
Күміс жүлдегерлер: Никита Изотов (800 м), Алмат Төлебаев, Богдан Чернобай, Даниил Момот және Ромео Петров (4×100 м эстафета), Алан Иванов мен Милана Зубарева (400 м), Анастасия Калошина (балға лақтыру), Анастасия Рыпакова (ұзындыққа секіру), Анастасия Колода (400 м кедергілер).
Қола жүлдегерлер: Давид Ефремов (110 м кедергілер), Ақбілек Құралбай (3000 м кедергілер), Томирис Ерматова (балға лақтыру), Варвара Дмитриева (үш қарғып секіру), Антонина Чернышева (100 м кедергілер), Екатерина Колода (400 м кедергілер).
