Алматы метрополитенінің желісі кеңейіп келеді. Қала тұрғындары мен қонақтары ұзақ күткен жаңа «Қалқаман» станциясын 1 желтоқсанға дейін іске қосу жоспарланып отыр, — деп хабарлайды jananews.kz.
Құрылыс барысы және жаңа станцияның ерекшеліктері
Алматы қаласының әкімі Дархан Сатыбалдының мәлімдеуінше, қазіргі уақытта бекеттің құрылыс-монтаж жұмыстары толық аяқталып, бекітілген кестеге сәйкес іске қосу-баптау шаралары жүргізілуде. Станцияның маңы толығымен абаттандырылып, келушілер мен қала тұрғындары үшін шамамен 400 автотұрақ орны жасалған.
Қала басшылығы бұл көлік инфрақұрылымын дамытудағы маңызды қадам екенін атап өтіп, алдағы үш жылда батыс бағытта тағы үш станция салу қажет екенін жеткізді. Еске сала кетейік, Алматыдағы «Қалқаман» бекетінің жобасы 2020 жылы қолға алынып, нақты құрылыс жұмыстары 2022 жылы басталған болатын. Жаңа станцияның ашылуы мегаполистің батыс бөлігіндегі жолаушылар легін айтарлықтай жеңілдетіп, қатынасты жақсарта түспек.
Қазақ тілін ChatGPT-ге үйрету үшін 14 млрд токендік дерек қоры жиналды — jananews.kz
