Қызылордада жыныстық зорлық-зомбылықтың алдын алатын бірыңғай жүйе іске қосылды

Елімізде балалар мен кәмелетке толмағандардың қауіпсіздігін қамтамасыз ету бағытында маңызды қадам жасалды.

Қызылорда облысында жыныстық тиіспеушілікке қарсы қылмыс жасағаны үшін сотталған тұлғалардың қозғалысын қадағалайтын арнайы ақпараттық бағдарлама іске қосылды, — деп хабарлайды jananews.kz.

Жүйенің жұмыс істеу тетігі мен камералармен интеграция

Республика көлемінде кәмелетке толмағандардың жыныстық тиіспеушілігіне қарсы қылмыс жасағаны үшін сотталған 504 адам ресми түрде есепте тұр. Қазіргі таңда олар туралы мәліметтер Қызылорда облысындағы арнайы ақпараттық бағдарламаға толық енгізілді. Жаңа жүйе облыс орталығындағы 12 мектептің маңында орналасқан бейнебақылау камераларына тікелей интеграцияланған. Егер есепте тұрған қауіпті тұлға мектеп маңындағы камера аймағында пайда болса, облыстық полиция департаментінің «102» арнасына дереу автоматты түрде сигнал түседі. Полиция қызметкерлері көрсетілген орынға шұғыл барып, заңда көзделген профилактикалық шараларды қолданады.

Осылайша, бейнебақылау тек болған оқиғаны тіркеу үшін емес, қылмыстың алдын алу мақсатында жұмыс істеуде. Бас прокуратураның қолдауымен қолға алынған бұл озық тәжірибе қазіргі таңда Астана, Алматы, Шымкент қалаларында және өзге де өңірлерде енгізіле бастады.

Тәуекел тобындағы тұлғалар тізілімі

Бас прокуратураның бастамасымен іске қосылған «Күшейтілген профилактиканы талап ететін тұлғалар тізілімі» аналитикалық жүйесіне Бірыңғай реестр (ЕРАП) деректері толық интеграцияланған. Бұл жүйе әрбір тұлға бойынша ықтимал тәуекел деңгейін анықтауға мүмкіндік береді. Бүгінгі күні аталмыш жүйе арқылы облыс көлемінде жоғары тәуекел тобындағы 22 мыңнан астам адам анықталды.

Мамандардың айтуынша, еліміздегі 8 мыңнан астам мектепте миллиондаған бала білім алуда. Басты мақсат – әрбір баланың қауіпсіздігін қатаң қамтамасыз етіп, қоғамдағы осындай қауіп-қатерлердің алдын алу және тәуекелдерді барынша төмендету.

АҚШ-та үшінші күн қатарынан мыңдаған рейс тоқтатылды — jananews.kz

СОҢҒЫ ЖАҢАЛЫҚТАР

ЖАРНАМАspot_img