Microsoft жүйесіндегі ауқымды ақау Лондондағы маңызды мекемелердің жұмысына тосқауыл болды

Әлемге әйгілі Microsoft компаниясының қызметтерінде орын алған ірі техникалық ақау Лондондағы бірқатар мемлекеттік құрылымдар, ауруханалар мен ұйымдардың жұмысына кері әсерін тигізді, — деп хабарлайды jananews.kz London Evening Standard басылымына сілтеме жасап.

Қай мекемелер мен қызметтер істен шықты?

Басылымның мәліметінше, техникалық ақау салдарынан Лондондағы метрополитен полициясы мен Өрт сөндіру қызметі жүйелік іркілістерді бастан кешірді, Парламенттің Қауымдар палатасы мен Англия Жоғарғы сотының жұмысы және мектептерде, Ұлттық денсаулық сақтау қызметінің (NHS) департаменттерінде және түрлі бизнес нысандарында байланыс пен бағдарламалар істен шықты.

Ақаудың себептері мен қалпына келтіру жұмыстары

Мәселе көпшілікке танымал Microsoft Teams, Outlook және Microsoft 365 сияқты негізгі қызметтердің жұмысына тікелей әсер етті. Downdetector мониторинг веб-сайтының дерегі бойынша, Ұлыбританияда Teams қосымшасының жұмысы бұзылғаны туралы шағымдар бейсенбі күні кешкі сағат 18:15 шамасында күрт өскен. Microsoft мамандары серверлерді түнде бірнеше рет қалпына келтіргенімен, жүйе көп ұзамай қайтадан істен шыққан. Кейінірек компания өкілдері ақаулар жойылып, қызметтер біртіндеп өз арнасына оралып жатқанын, ал кейбір пайдаланушылар үшін электрондық поштаға кіру мүмкіндігі толық қалпына келгенін хабарлады.

Жасанды интеллект хакерлердің жаңа құралына айналды — jananews.kz

СОҢҒЫ ЖАҢАЛЫҚТАР

ЖАРНАМАspot_img