Қазақстанда 10 тамызда ұлы ақын, ойшыл Абай Құнанбайұлының туған күні атап өтіледі.
Елорда әкімдігінің ресми мәліметінше, бұл күндері қалада әдеби-музыкалық кештер, форумдар, кітап көрмелері, театр қойылымдары, шығармашылық байқаулар мен зияткерлік ойындар өтеді. Мерекелік іс-шаралар елорданың әр түкпірінде ұйымдастырылып, Абайдың әдеби, музыкалық және рухани мұрасын дәріптеуге бағытталған.
Мереке қарсаңындағы іс-шаралар
Ұлы ақынның туған күні қарсаңында астаналықтар мен қала қонақтары үшін мынадай ашық шаралар ұйымдастырылады:
7–9 тамыз (Арбат): Қазақ тілінде «Әнді сүйсең, менше сүй» караоке акциясы өтеді (7 тамызда сағат 20:00-де, 8 және 9 тамызда сағат 19:00-де). Мұнда ұлы ақынның танымал әндері шырқалады.
8 тамыз, сағат 18:00 («Жетісу» саябағы): Абай күніне арналған зияткерлік-ақпараттық акция өтіп, қатысушылар эрудициясын сынап, арнайы викторинаға қатыса алады.
14 тамыз («Руханият» орталығы): «Абай лирикасындағы табиғат» атты ашық сабақ өтеді.
18 тамыз (Бейбітшілік көшесі, 9): «Абай Құнанбайұлының әдеби мұрасы мен рухани әлемі» тақырыбында дәріс ұйымдастырылады.
10 тамыз — Абай күніндегі басты бағдарлама кестесі
Абай күні белгіленген негізгі ресми және мәдени шаралардың өту хронологиясы:
Театр сахнасындағы қойылымдар
Жыл соңына дейін елордалық театр ұжымдары Абай шығармашылығына арналған спектакльдерді сахналайды. «Қанаттылар» инклюзивті театры «Abai-La» драма-спектаклін, Жастар театры: «Абай-Тоғжан» музыкалық драмасын және Ә. Мәмбетов атындағы драма және комедия театры: «Жас Абай» және «45» спектакльдерін сахналайтын болады.
2027 жылға дейін өңірлерде заманауи травматологиялық орталықтар ашылады — jananews.kz
