Қазақстанның астық пен ұн экспорты айтарлықтай өсіп, сыртқы нарықтарда оң динамика көрсетуде.
«Қазақстан темір жолы» ҰК» АҚ мәліметінше, 2025 жылғы қыркүйектен 2026 жылғы 17-шілдеге дейінгі аралықта астық пен астыққа шаққандағы ұн экспорты 13,5 миллион тоннаға жетті. Бұл өткен жылдың сәйкес кезеңімен салыстырғанда 16 %-ға жоғары.
Орталық Азия мен Ауғанстан нарығындағы өсім
Экспорт көлемінің артуына Орталық Азия елдері мен Ауғанстандағы дәстүрлі нарықтар тарапынан болған жоғары сұраныс басты серпін берді:
Өзбекстанға экспорт көлемі 37%-ға өсіп, 5,6 млн тоннаны құрады.
Ауғанстанға жөнелтілген өнім көлемі 59%-ға ұлғайып, 2,2 млн тоннаға жетті.
Қырғызстанға экспорт көлемі 1,4 есеге артып, 504 мың тонна болды.
Ал Түрікменстан мемлекетіне өнімді жеткізу 34%-ға өсіп, 210 мың тоннаны құрады.
Экспорттық логистика және агроөнеркәсіп әлеуеті
Жүк тасымалы көрсеткіштерінің оң өсімі қазақстандық ауыл шаруашылығы өнімдерінің бәсекеге қабілеттілігін және халықаралық саудадағы жоғары сұранысын айғақтайды.Қазақстаннан сыртқы нарыққа 13,5 млн тонна астық пен ұн экспортталды (16% өсім).
Орталық Азия мемлекеттері мен Ауғанстан қазақстандық астықты сатып алу көлемін айтарлықтай ұлғайтты. ҚТЖ және мемлекет тарапынан жасалған экспорттық-логистикалық қолдау шаралары нәтижелілігін дәлелдеді.
Жарты жылда 4,5 мыңнан астам қазақстандық Өзбекстанға емделу үшін барған — jananews.kz
