Қазақстанда мемлекеттік басқаруды толық цифрлық форматқа көшіру мен мемлекеттік органдардың ақпараттық жүйелерін оңтайландыру бағытында маңызды құқықтық қадам жасалды.
Премьер-министрдің орынбасары – жасанды интеллект және цифрлық даму министрі мемлекеттің цифрлық архитектурасын қалыптастыру, дамыту және мониторинг жүргізу қағидаларын ресми түрде бекітті. Бұл құжат домендік тәсіл негізінде мемлекетті басқарудың бірыңғай цифрлық моделін қалыптастыру тәртібін белгілейді және «Цифрлық үкімет» платформасында іске асырылатын барлық ақпараттық объектілерге қолданылады.
Жаңа цифрлық архитектураның негізгі қағидаттары
Бекітілген ережелерге сәйкес, мемлекеттің цифрлық инфрақұрылымы мен платформаларын дамыту мынадай негізгі ұстанымдарға сүйенеді:
1) Барлық мемлекеттік органдар бірыңғай IT-стандарттарға бағынады.
2) Әртүрлі ведомстволардың цифрлық жүйелері бір-бірімен кедергісіз деректер алмаса алады.
3) IT-шешімдер бұлтты платформаларға бейімделіп, модульдік қағидат бойынша құрылады.
4) Азаматтар мен мемлекеттік аппараттың ақпараттық қауіпсіздігіне басымдық беріледі.
5) Мемлекеттік органдар арасында қайталанатын деректер мен функциялар толық жойылып, клиентке бағдарланған сервистер енгізіледі.
Цифрлық архитектураны қалыптастырудың 4 кезеңі
Регламенттік мерзімдер мен күшіне ену мерзімі
Бірыңғай архитектуралық бақылауды Архитектуралық үйлестіру орталығы жүзеге асырады. Цифрлық архитектура жобасы дайын болған соң уәкілетті органға келісуге жіберіледі.
Уәкілетті орган жобаны 10 жұмыс күні ішінде қарайды. Ескертулер болған жағдайда құжатты қайта өңдеуге 10 жұмыс күні беріледі. Пысықталған жобаны қайта тексеру мерзімі 5 жұмыс күнінен аспайды. Келісілгеннен кейін мемлекеттің цифрлық архитектурасы электрондық форматта арнайы архитектуралық порталға орналастырылады. Жаңа бұйрық 2026 жылдың 9-тамыздан бастап ресми түрде қолданысқа енгізіледі.
Еліміздегі студенттер автокөлік бояуындағы ақауды анықтайтын ЖИ-жүйе жасады — jananews.kz
