Қазақстанда кейінгі екі жылда 22,6 мың жас азамат өзінің жеке бизнесін бастау үшін қайтарымсыз мемлекеттік грантқа ие болды.
Бұл туралы Халықаралық жастар күніне арналған баспасөз брифингінде ҚР Мәдениет және ақпарат вице-министрі Евгений Кочетов мәлімдеді.
Жастарды жұмыспен қамту және кәсіпкерлікті дамыту көрсеткіштері
Соңғы екі жыл ішінде 192 мың жас бизнес негіздері бойынша арнайы оқыту курстарынан өтті. 22,6 мың адам бастапқы капиталын қалыптастыру үшін қайтарымсыз гранттарға ие болды. 2025 жылдың қорытындысы бойынша жастар арасындағы жұмыссыздық көрсеткіші 3,1 %-ды құрады. Екі жылда 1,4 миллионға жуық жас жұмыспен қамтуға жәрдемдесудің түрлі бағдарламалары мен шараларымен қамтылды.
Қазіргі таңда елімізде 235 жастар ресурстық орталығы жұмыс істейді. Олар білім алу, жұмысқа орналасу, тұрғын үй, сондай-ақ психологиялық және құқықтық кеңестер береді. Ресурстық орталықтар арқылы тұрақты консультация беру және жұмыссыздық деңгейін төмендетуге бағытталған.
