Астана қаласындағы № 8 балалар кітапханасының тұрақты оқырманы, 9-сынып оқушысы Вероника Анисимова кітап қорының басым бөлігін түгел оқып шықты.
Оқушының кітапқа деген құштарлығы кітапхана сөрелерінен жаңа шығарма таппай қалған сәтте ғана айқындалған.
Кітап әлеміне қадам: «Мэри Поппинстен» басталған жол
Вероника үшінші сыныпқа дейін кітап оқуға аса қызықпаған. Алайда таныстары сыйға тартқан Памела Трэверстің «Мэри Поппинс» повесі қыздың көзқарасын түбегейлі өзгертіп, шығарманың жалғасын табу үшін № 8 балалар кітапханасына келуіне түрткі болды. Демалыс күндері анасымен бірге кітапханаға тұрақты барып тұратын оқушы әдебиеттерді үйде де, мектепте де үзіліс кезінде оқиды. Қазіргі уақытта ол орыс және шетел классиктерін оқуға басымдық береді. Әсіресе Николай Гоголь, Антон Чехов пен Фёдор Достоевскийдің шығармаларын сүйіп оқиды. Оған Антон Чеховтың қарапайым тілі мен сатиралық әңгімелері ұнайды.
Кітап оқудан бөлек, Вероника сурет салу, қолөнер, тоқу, бисер тоқу және макраме жасаумен айналысады. Болашақта ол өмірін нақты ғылымдармен байланыстырып, математика пәнінің мұғалімі болуды жоспарлап отыр.
Жұлдыз Сүлейменова: колледж оқытушылары шетелде біліктілігін арттырады — jananews.kz
