Президент Қасым-Жомарт Тоқаев Жапонияда өткен ХХ Жазғы Азия ойындары мен V Азия Пара ойындарында топ жарған қазақстандық спортшылар мен жүлдегерлерді марапаттау рәсіміне қатысты, — деп хабарлайды jananews.kz.
Президенттің құттықтауы және спорт саласындағы жетістіктер
Мемлекет басшысы өз сөзінде ұлттық құраманың табанды еңбегінің арқасында Азиада төрінде Әнұран шырқалып, көк Туымыз биікте желбірегенін ерекше атап өтті. Соңғы бес жылда елімізде спорт саласын дамытуға 616 миллиард теңгеден астам қаржы жұмсалды. Былтыр «Дене шынықтыру және спорт туралы» Заңға маңызды түзетулер енгізіліп, мемлекеттік деңгейде басымдық берілетін спорт түрлері айқындалды. Президент халықаралық аренада еліміздің абыройын асқақтатқан бірқатар үздік атлеттердің жетістіктеріне тоқталды:
Темірлан Тілеулес – таэквондодан ел тарихындағы алғашқы алтын медальді жеңіп алды.
Төрехан Сабырхан мен Айбек Оралбай – бокстан чемпион атанды.
Софья Берульцева – Азия ойындарының екі дүркін чемпионы атанды.
Алексей Луценко – Қазақстан тарихында тұңғыш рет Азия ойындарының алты дүркін чемпионы атанып, веложарыста қос алтын еншіледі.
Айсұлу Сүлейменова – параойындарда 100 метрге жүгіруден Азия рекордын жаңартты.
Давид Дегтярев – пауэрлифтингтен Азияның жаңа рекордын орнатып, Параазия ойындарының екі мәрте чемпионы атанды.
Мемлекет басшысы осындай жарқын жеңістер мен қайсар мінез өсіп келе жатқан жас буынға үлкен шабыт беріп, ел патриотизмін нығайта түсетінін айтты.
Бостандық ауданында тұрғындарға арналған бес жаңа қоғамдық кеңістік таныстырылды — jananews.kz
