Қазақстандық талантты боксшы Санжар Ташкенбай Дүниежүзілік бокс қауымдастығының (WBA) жаңартылған рейтингінде үздік 15 боксшының қатарына қосылды, деп хабарлайды Sports.kz.
Кәсіпқой рингтегі сәтті дебют және жетістіктер
23 жастағы қазақстандық спортшы әлеуметтік желідегі парақшасында кәсіпқой бокстағы алғашқы жекпе-жегінен видео жариялап, жанкүйерлерімен қуанышты жаңалығын бөлісті:
— Бұл тек бастамасы. WBA рейтингінде 15-орын, — деп жазды Санжар Ташкенбай.
Санжар кәсіпқой рингтегі алғашқы кездесуін 28 тамызда Астанада өткен IBA Nomad турнирінде өткізді. Ол филиппиндік боксшы Нил Хакамосты (7-2, 1 нокаут) төрешілердің бірауыздан шығарған шешімімен жеңіп шықты. Ол жекпе-жек барысында қарсыласын екі рет нокдаунға түсіріп, бірінші аса жеңіл салмақта WBA Asia аймақтық чемпионы атағын жеңіп алды. Осы жарқын жеңістен кейін жас боксшы WBA рейтингінде 15-орынға көтерілсе, ал WBC рейтингінде 35-орынға жайғасты. Айта кетейік, Санжар өнер көрсететін салмақта WBA тұжырымы бойынша қазіргі әлем чемпионы — пуэрторикалық боксшы Рене Сантьяго.
Енді Петропавл тұрғындары цифрлық орталықтан қызмет ала алады — jananews.kz
