Алматыдағы мәдени өмірдің маңызды оқиғасы – «Алатау» дәстүрлі өнер театрының 10 жылдық мерейтойына арналған ауқымды республикалық театр фестивалі басталады.
Алматы қаласы әкімдігінің қолдауымен өтетін ALMATY THEATRE FESTIVAL 2026 жылдың 15–20 қараша аралығында ұйымдастырылады, — деп хабарлайды jananews.kz.
Фестиваль бағдарламасы мен қатысушылар
Мерейтойлық шараның салтанатты ашылуы 15 қарашада сағат 15:00-де баспасөз конференциясымен басталып, 16:00-де ресми ашылу салтанатымен жалғасты. Алғашқы күннің шымылдығын режиссер Фархад Молдағалидың soundrama жанрындағы «Мәмлүк» қойылымы (сағат 17:00-де) ашты. Фестивальге еліміздің түкпір-түкпірінен келген маңдайалды театр ұжымдары қатысып, өз өнерлерін ортаға салады. Қатысушылар қатарында:
— Жезқазған, Астана, Талдықорған, Қызылорда, Қарағанды қалалары;
— Батыс Қазақстан облысының театрлары;
— Алматы қаласының шығармашылық ұжымдары бар.
Төмендегі көрермен назарына ұсынылатын 11 спектакль фестивальдің негізгі бағдарламасын құрайды:
-
«Мәмлүк» (саундрама)
-
«Войцек»
-
«Сәйгүлік»
-
«She Is Aiel»
-
«Жабайы алма»
-
«Найзағай»
-
«Қорғансыз»
-
«Томирис»
-
«Ортеке»
-
«Ромео мен Джульетта»
-
«Гүлге ұмтылған екеу»
Мерекелік фестиваль тек сахналық қойылымдармен шектелмейді. Шара аясында «Дәстүрлі өнер және заманауи театр кеңістігі» тақырыбында республикалық ғылыми-тәжірибелік конференция өтеді. Онда мамандар ұлттық театр өнерін дамыту бағыттары мен қазіргі театр үдерісінің өзекті мәселелерін талқылайды.
2026 жылғы 15–20 қараша күндері «Алатау» дәстүрлі өнер театры, Нұркент шағынауданы, 6-көшесінде өтеді. Байланыс телефоны +7 (777-67) 8-85-94.
Қызылордада жыныстық зорлық-зомбылықтың алдын алатын бірыңғай жүйе іске қосылды — jananews.kz

