Қазақстанда отандық өнімнің экспорттық потенциалын арттыру және ауыл шаруашылығы өнімдерін терең өңдеуді дамыту мақсатында жаңа халықаралық жобалар пысықталуда.
ҚР Ауыл шаруашылығы вице-министрі Азат Сұлтановтың Үкімет отырысында мәлімдеуінше, Alatau City әкімшілігі қытайлық инвесторлармен бірлесіп майлы дақылдарды өңдеу бастамасын қолға алды. Жоба Алатау қаласының аумағында қытайлық «Full Vision Capital» компаниясымен серіктестікте жүзеге асырылады деп жоспарланған.
Өңдеу өнеркәсібіндегі негізгі инвестициялық жобалар
Ауыл шаруашылығы министрлігі жоғары қосылған құны бар өнімдер шығару бойынша бірнеше ірі бағыттарды бақылауда ұстауда. Alatau City мен «Full Vision Capital» бірлескен экологиялық таза авиаотын (SAF) өндіру жобасы, Жамбыл облысында Қытайдың Fufeng Group компаниясы іске қосып жатқан ірі зауыт құрылысы және крахмал, аминқышқылдары, глютен және мал азығына арналған биологиялық активті қоспалар өндіруге бағытталған 6 ірі жоба іске асырылуда.
Қытайдың ірі өнеркәсіптік компанияларымен келіссөздер жүргізіп, технологиялық серіктестік орнату. Майлы дақылдар мен жүгеріні өңдейтін өндірістік қуаттылықтардың құрылысын бастау және дайын өңделген, қосылған құны жоғары экологиялық өнімдерді әлемдік нарықтарға шығару жоспарланып отыр.
