Қазақстан мен АҚШ арасында тікелей әуе қатынасын ашу мақсатында маңызды кезең басталды.
Көлік министрлігі, Азаматтық авиация комитеті, Қазақстанның авиациялық әкімшілігі және елшілік бірлесіп атқарған екі жылдық жұмыстың нәтижесінде АҚШ Федералдық авиация әкімшілігінің (FAA) тексерісі қолға алынды. Бұл бағыттағы жұмыстарды үйлестіру үшін Көлік вице-министрі Талғат Ластаев Қазақстанға келген FAA сарапшыларымен арнайы кездесу өткізді.
FAA бағалауы және Халықаралық стандарттар
Бүгін, 2026 жылғы 21–25 қыркүйек аралығында, АҚШ Федералдық авиация әкімшілігінің (FAA) Халықаралық авиациялық қауіпсіздікті бағалау (IASA) жұмысы жүргізілуде. Бұл тексеріс ұшу қауіпсіздігін мемлекеттік қадағалау жүйесіне қатысып, Қазақстанның авиациялық билігінің Халықаралық азаматтық авиация ұйымының (ИКАО) стандарттары мен ұсынылатын практикасына сәйкестігін анықтауға бағытталған. FAA сарапшылары авиациялық заңнаманы, нормативтік актілерді және ИКАО-ның ұшу қауіпсіздігін мемлекеттік бақылаудың 8 сыни элементін қарастырады.
Аталмыш сапар 2024 жылғы тамызда өткен алдын ала техникалық шолудың жалғасы болып отыр. Сарапшылар тобының құрамына халықаралық авиациялық құқық, лицензиялау, ұшуға жарамдылық және пайдалану саласының мамандары кіреді.
«Air Astana» компаниясына сапар және алдағы қадамдар
Ағымдағы жылдың 24 қыркүйегінде FAA сарапшылар тобының АҚШ Көлік министрлігінен (DOT) рұқсат алуға өтінім берген «Air Astana» әуе компаниясына техникалық сапары жоспарланған. Бұл шара авиакомпанияға берілетін инспекциялық тексеру емес, керісінше ашықтықты қамтамасыз ету мақсатындағы ақпаратты растау сапары болмақ. IASA бағалауы аяқталған соң FAA қорытынды брифинг өткізіп, жазбаша есеп ұсынады. Бұл үдеріс екі ел арасындағы тікелей әуе қатынасын ашу жөніндегі жұмысты ілгерілетудегі шешуші кезең саналады.
