Жасанды интеллект саласындағы жетекші технологиялық компания жасөспірімдер мен мектеп оқушыларының қауіпсіздігіне арналған ChatGPT-дің арнайы жаңа нұсқасын іске қосты.
Жаңартылған алгоритм балалардың психикалық саулығын қорғауға, қауіпті контентті шектеуге және білім беру процесін сапалы қолдауға бағытталған. Жаңа жүйе бұған дейін Калифорнияда 16 жастағы жасөспірімнің чат-ботпен өз-өзіне қол салу ниетін талқылап, соңы қайғылы оқиғамен аяқталған резонансты істен кейін қауіпсіздік талаптарын түбегейлі күшейту аясында енгізілді.
Қауіпсіздік сүзгілері және білім берудегі өзгерістер
Жасөспірімдерге бейімделген нейрожелі моделіне мынадай негізгі функциялар мен шектеулер енгізілген:
— Алгоритм зорлық-зомбылыққа, тамақтану тәртібінің бұзылуына (анорексия, булимия) және өзіне-өзі қол жұмсау мен зиян келтіруге байланысты кез келген сұраныстар мен контентті бірден бұғаттайды.
— Чат-бот мектеп оқушыларына дайын жауаптарды, эсселерді немесе шығармаларды көшіріп бере салмайды. Оның орнына алгоритм жетекші сұрақтар мен нұсқаулықтар беріп, баланы логикалық ойлауға және өз бетінше ізденуге бағыттайды.
— Ата-аналар чат-ботқа арнайы шектеулер орнатып, бала тыйым салынған тақырыптарды қозғауға немесе талқылауға әрекет жасаған жағдайда телефондарына жедел ескерту хабарламаларын алады.
Астана мен Алматы қалаларында LRT құрылысы қарқынды жүруде — jananews.kz
