Қазақстандық талантты теннисші Соня Жиенбаева (WTA рейтингінде 738-ші орын) Испанияның Оренсе қаласында аяқталған халықаралық W75 турнирінде жекелей сында чемпион атанды.
Жарыс басталғанда негізгі тордың фавориттері қатарында болмағанына қарамастан, қазақстандық спортшы турнир бойы тамаша ойын өрнегін көрсетіп, бас жүлдені жеңіп алды.
Финалдық матчтың нәтижесі
Шешуші кездесуде Соня Жиенбаева болгариялық тәжірибелі теннисші Изабелла Шиниковамен (WTA рейтингінде 442-ші орын) шеберлік байқасты. Тартысты өткен матч 1 сағат 51 минутқа созылып, қазақстандық теннисшінің жеңісімен аяқталды:
1-ші сет: 7:6 (Жиенбаева)
2-ші сет: 3:6 (Шиникова)
3-ші сет: 6:1 (Жиенбаева)
Чемпиондыққа дейінгі қарсыластар
Жиенбаева турнир барысында рейтингте өзінен әлдеқайда жоғары тұрған мықты қарсыластарды тізе бүктірді:
-
Анна Кубарева (Беларусь)
-
Ясмин Каббадж (Марокко)
-
Алисия Дуденей (Улыбритания)
-
Рина Сайго (Жапония)
-
Изабелла Шиникова (Болгария)
