Елордадағы демографиялық өсім мен тұрғындар санының артуына байланысты медициналық инфрақұрылым қарқынды түрде кеңейтілуде.
ҚР Премьер-министрінің бірінші орынбасары Нұрлыбек Нәлібаев Астанадағы бірқатар маңызды медициналық нысандардың құрылыс барысымен танысты, деп хабарлайды jananews.kz Үкіметтің баспасөз қызметіне сілтеме жасап.
Жаңа медициналық нысандар және олардың мүмкіндіктері
Қала халқының көбеюіне байланысты қолданыстағы ауруханалар мен емханаларға түсетін жүктемені азайту үшін биыл бірқатар маңызды нысандарды пайдалануға беру жоспарланған. №2 қалалық көпбейінді аурухана жанынан ашылатын бес қабатты бұл жаңа нысан тәулігіне 700–900 адамды қабылдай алады. Мұнда ересектер мен жүкті әйелдерге арналған бөлімдер, травматологиялық пункт, сондай-ақ КТ, МРТ, рентген, ангиографиялық операциялық залдар, инсульт және реанимация орталықтары қарастырылған. Пациенттер алғашқы тексеруден бастап ота жасауға дейінгі барлық шұғыл көмекті бір кешен ішінде ала алады.
№2 көпбейінді қалалық балалар ауруханасында шұғыл көмек көрсетуге арналған қосымша ғимарат іске қосылады. Онда реанимация, операция бөлімі мен заманауи диагностикалық жабдықтар орнатылып, жарақат алған балаларга жедел көмек көрсету мүмкіндігі артпақ. Келесі жылы ашу жоспарланған 250 төсектік жаңа заманауи перинаталдық орталық ана мен балаға мамандандырылған көмек көрсету аясын кеңейтеді. Сонымен қатар Сарыарқа ауданында 300 төсектік көпсалалы қалалық аурухананың құрылысы жүргізілуде.
Алғашқы медициналық көмектің қолжетімділігі
Медициналық қызметтің сапасын арттыру мақсатында амбулаториялық желі де кеңейтілуде. Астананың қарқынды дамып келе жатқан аудандарында бір ауысымда 500 адам қабылдайтын 3 жаңа емхананың құрылысы жүруде. Бұл тұрғындардың өз тұрғылықты жері бойынша учаскелік дәрігерлер мен бейінді мамандарға кедергісіз қаралуына толық жағдай жасайды.
Швеция ақпарат қауіпсіздігіне байланысты ChatGPT пен Claude қолдануға шектеу қойды — jananews.kz
