Астана қаласында «Болашақ ойындары» халықаралық мультиспорт турнирі аясында өтіп жатқан Phygital Sports Summit Astana 2026 форумы өз жұмысын бастады.
Бұл туралы Қазақстан Республикасы Туризм және спорт министрлігінің баспасөз қызметі хабарлады. Ауқымды іс-шараның ашылу салтанатында ҚР Туризм және спорт министрі Ербол Мырзабосынов сөз сөйлеп, фиджитал спорттың жаһандық спорт индустриясындағы орны мен оны дамытудағы халықаралық ынтымақтастықтың маңызын атап өтті.
Саммитке қатысушы халықаралық делегациялар
Саммит аясында фиджитал қозғалысын жаһандық деңгейде ілгерілету үшін әлемнің бірнеше елінен келген спорт ведомстволарының басшылары мен сарапшылар бас қосты:
Ахмед Бельхул Әл Фаласи — Біріккен Араб Әмірліктерінің спорт министрі
Михаил Дегтярев — Ресей Федерациясының спорт министрі
Адхам Икрамов — Өзбекстан Республикасының спорт министрі
Фарид Гаибов — Әзербайжан Республикасының жастар және спорт министрі
Сергей Ковальчук — Беларусь Республикасының спорт министрі
Сондай-ақ саммитке халықаралық спорт ұйымдарының өкілдері, озық технологиялық компаниялардың басшылары мен цифрлық спорт сарапшылары қатысуда.
Саммиттің бағдарламасы мен басты бағыттары
Саммит бағдарламасы аясында спорт пен инновацияны ұштастыратын бірқатар маңызды панельдік сессиялар жоспарланған. Саммитке БАӘ, Өзбекстан, Әзербайжан, Ресей, Беларусь министрлері мен халықаралық эксперттер қатысуда. Классикалық спорт пен киберспортты тоғыстыратын фиджитал бағытын дамыту, цифрлық технологиялар мен спорт индустриясының болашағы талқыланады. Халықаралық деңгейде бірыңғай фиджитал стандарттарын қалыптастыру және спорттық келісімдер жасау көзделген.
Ұйымдастырушылардың айтуынша, Phygital Sports Summit Astana 2026 тәжірибе алмасуға, өзекті мәселелерді талқылауға және халықаралық фиджитал қозғалысын одан әрі дамытуға бағытталған жаңа бастамаларды қалыптастыруға мүмкіндік беретін маңызды халықаралық алаңға айналмақ.
Үкіметтен Алакөл жағалауын қорғайтын бөгет салуға 3 млрд теңге бөлінді — jananews.kz
