Қытайлық робот техникасын өндіруші UBTECH Robotics компаниясы Лючжоу қаласында әлемдегі ең алғашқы өнеркәсіптік гуманоид роботтар шығаратын автоматтандырылған зауытты іске қосты.
Ерекше кәсіпорын жылына 10 мың робот өндіруге қауқарлы. Гуанси-Чжуан автономиялық ауданында орналасқан бұл нысан «роботтар роботтарды өндіреді» қағидаты бойынша жұмыс істейтін әлемдегі алғашқы ірі өндіріс орны, — деп хабарлайды kazinform.
Зауыттың технологиялық ерекшеліктері
Жобаны жүзеге асыруға әлемге әйгілі Siemens компаниясының бөлімшесі технологиялық серіктес ретінде қатысты. Неміс концерні өндірісті басқаруға арналған арнайы цифрлық платформаны әзірледі. Бұл жүйе жеткізу тізбегін үйлестіріп, бөлшектерді аса дәлдікпен құрастыруға және өндірістегі жедел логистиканы толық басқаруға мүмкіндік береді. Конвейердің қуаты 10 минут сайын бір робот шығаруға қауқарлы. Зауытта Walker S сериялы өнеркәсіптік және Cruzr сервистік роботтары өндіріледі.
Бұл инновациялық жоба Лючжоу қаласының жергілікті өндірісі мен ауыр машина жасау саласын түбегейлі жаңғыртуға бағытталған. Сондай-ақ өнімдер Қытайдың ішкі нарығына жеткізіліп қана қоймай, АСЕАН елдеріне де экспортталады.
Қазақстан мен Оңтүстік Корея арасындағы меморандумдар 12 бағытты қамтыды — jananews.kz
